Ynglŷn â’r Academi
Mae’r Academi Adeiladu Ar y Safle yn gynllun hyfforddiant, profiad gwaith a chyflogaeth tair blynedd a ariennir gan Fwrdd Hyfforddi’r Diwydiant Adeiladu (CITB) ac a ddarperir gan Wasanaeth Cynghori i Mewn i Waith Cyngor Caerdydd. Rydym yn seiliedig ar safle Datblygu Preswyl Wates yn Nhredelerch, Caerdydd.
Pan fyddwch yn cwblhau eich hyfforddiant, ein nod yw rhoi profiad, prentisiaeth a chyfleoedd cyflogaeth ar y safle i chi ar draws de-ddwyrain Cymru.
I fod yn gymwys i gael ein cefnogaeth mae’n rhaid i chi fod yn:
- Ddi-waith, neu’n
- Newid gyrfa o sector arall, neu’n
- Fyfyriwr Diploma Adeiladu
- 16+ oed (dim terfyn oedran uchaf)
- Byw yn yr awdurdodau lleol canlynol:
– Blaenau Gwent,
– Pen-y-bont ar Ogwr,
– Caerffili,
– Caerdydd,
– Merthyr,
– Trefynwy,
– Castell-nedd a Phort Talbot,
– Casnewydd,
– Rhondda Cynon Taf,
– Torfaen,
– Bro Morgannwg.
Rydym yn gweithio gyda’r grwpiau canlynol:
Ceiswyr Gwaith
I helpu i sicrhau cyflogaeth gynaliadwy drwy ein partneriaeth â chyflogwyr a chontractwyr lleol.
Myfyrwyr addysg bellach
Darparu profiad ymarferol i ategu astudiaethau yn yr ystafell ddosbarth.
Atgyfeirwyr
Sicrhau’r deilliannau gorau i ddysgwyr.
Rydym yn derbyn atgyfeiriadau gan bartneriaid gan gynnwys:
- awdurdodau lleol,
- sefydliadau cyflogaeth y llywodraeth,
- prosiectau cymorth cyflogadwyedd,
- cymdeithasau tai, a
- cholegau addysg bellach
Cyflogwyr
Datblygu cynlluniau hyfforddiant a chyfleoedd lleoliad gwaith i ddarpar weithwyr.
